MARKAren KUDEAKETAri buruzko V. Jardunaldia

Marka enpresen estrategia orokorraren adierazle nagusia dugu, bai barne nola kanpora begira. Are gehiago, Fortune aldizkariaren ikerketa baten arabera, erreputazio korporatiboaren eta emaitza finantzarioaren arteko lotura estu estua da.

Marka esperientzia gisa ulertzen da gaur egun. Zergatik? Soberako gaitasun produktiboak zein ondasun eta zerbitzuen homogeneotasunak, halabeharrez, geure burua bereiztera eramaten gaituelako.

Helburuak

• Merkatu gero eta globalagoetan aritu nahi badute, enpresariek marka aktibo estrategiko gisa erabil dezaten sentsibilizatzea. 
• Markaren kudeaketari esparru desberdinetan eta modu egokian heltzeko partaideei metodologia aproposak helaraztea, honako ezaugarri honekin: bezeroari zein enpresa berari, marka irudi sendo eta sinesgarri batean oinarriturik, balioa sortu.
• Merkatu gero eta zailagoetan marka bat behar den moduan jestionatzeko beharrezkoak diren faktor kritikoei buruzko hausnarketa zabaltzea.